Cyflwyniad
Mae swyddog adsefydlu'n broffesiynolyn sy'n gweithio gyda phobl a
chanddyn nhw nam ar y golwg i'w helpu i fyw'n annibynnol.
Gallai hynny gynnwys unrhyw beth megis dysgu sut mae defnyddio
Braille i ddarllen neu ffon hir i gerdded yn ogystal â meithrin
medrau megis sut mae gwneud cwpanaid o de neu baratoi a choginio
pryd o fwyd yn ddiogel. Yn adrannau gwasanaethau cymdeithasol
y cynghorau lleol mae staff adsefydlu'n gweithio.
Amgylchiadau'r gwaith
Bydd gweithiwr adsefydlu'n treulio'r rhan fwyaf o bob dydd gydag
un client neu ragor - naill ai yng nghartref y client neu yn ei
filltir sgwâr.
Gweithgareddau beunyddiol
Mae amryw orchwylion gan gynnwys asesu anghenion clientiaid a
rhoi/rheoli unrhyw wasanaethau yn ôl yr angen megis hyfforddiant
defnyddio ffon a byw'n annibynnol. Gallai rhai gweithwyr
adsefydlu fod mewn tîm sy'n gyfrifol am nifer o achosion. Fe
fydd pob achos yn unigryw a bydd angen ei drin a'i drafod yn
wahanol. Yn rhan o'r gweithgareddau beunyddiol, gallai fod
rhaid i weithwyr adsefydlu lunio adroddiadau a chysylltu â
phroffesiynolion eraill megis arbenigwyr llygaid.
Medrau a diddordebau
Dylai gweithwyr adsefydlu allu cyfathrebu â phobl beth bynnag fo
eu cefndir. Ar ben hynny, bydd agwedd dringar at anableddau
a'r gallu i ymdopi â sefyllfaoedd anodd yn hanfodol. Bydd
angen trwydded yrru fel arfer, hefyd.
Meini prawf derbyn
Diploma Addysg Uwch 'Astudiaethau Adsefydlu' yw cymhwyster
proffesiynol y maes hwn. Mae modd astudio o hirbell dros ddwy
flynedd ar gyfer y ddiploma honno trwy Ysgol Astudiaethau
Adsefydlu'r Sefydliad Brenhinol Cenedlaethol er y Deillion, o dan
adain Prifysgol Dinas Birmingham. I ymuno â'r cwrs, bydd
angen TGAU mewn tri phwnc a'r Safon Uwch mewn dau bwnc (neu
gymwysterau cyfwerth). Gallai fod yn bosibl derbyn myfyrwyr
aeddfed heb gymwysterau ffurfiol yn ôl eu profiad ar yr amod bod
tystiolaeth y gallen nhw astudio ar gyfer cymhwyster addysg
uwch.
Gobeithion a chyfleoedd yn y dyfodol
Gallai gweithiwr adsefydlu profiadol gael ei ddyrchafu'n uwch
weithiwr adsefydlu yn ogystal â bod yn weithiwr goruchwyliol sy'n
arwain tîm neu'n ddarlithydd ym maes astudiaethau adsefydlu, hyd yn
oed. Mae cyfleoedd i arbenigo, hefyd (er enghraifft, gweithio
gyda phlant a chanddyn nhw nam ar y golwg).
Rhagor o wybodaeth a gwasanaethau
Cyngor Gofal Cymru: www.ccwales.org.uk
Gofal Cymuned: www.communitycare.co.uk
Adran Cynnwys Anableddau ac Anghenion Arbennig Prifysgol
Birmingham:
http://www.birmingham.ac.uk/schools/education/departments/disability-inclusion-special-needs/index.aspx
Adran Iechyd San Steffan: www.dh.gov.uk
Cyngor Galwedigaethau Iechyd a Gofal: www.hpc-uk.org
Asiantaeth Cartrefi a Chymunedau:
www.homesandcommunities.co.uk
Sefydliad Brenhinol Cenedlaethol er y Deillion:
www.rnib.org.uk
Ysgol Iechyd a Gofal Cymdeithasol Prifysgol Dinas Birmingham:
www.bcu.ac.uk/courses/rehabilitation-work-visual-impairment
Medrau er Gofal: www.skillsforcare.org.uk
Cymdeithas Gofal Cymdeithasol:
www.socialcareassociation.co.uk
Canolfan Dysgu ac Ymchwil Prifysgol Birmingham dros Faterion Nam
ar y Golwg:
http://www.birmingham.ac.uk/research/activity/education/victar/index.aspx
Efallai bod rhagor am hyn ar wefan Gyrfaoedd Cymru
(www.careerswales.com/), yn llyfrgell eich bro neu yn
swyddfa/llyfrgell gyrfaoedd eich ysgol.