Cyflwyniad
Mae gan Swyddogion Ewropeaidd rôl gydlynol yn cysylltu adrannau
llywodraeth leol, busnesau lleol, adrannau'r llywodraeth a'r Undeb
Ewropeaidd. Un o'r prif dasgau yw sicrhau cyllid yr UE ar gyfer eu
hawdurdodau a sefydliadau eraill yn yr ardal.
Amgylchedd Gwaith
Mae'r rhan fwyaf o'r gwaith yn digwydd mewn swyddfa yn swyddfeydd
yr awdurdod lleol. Fodd bynnag, mae teithio yn rhan hanfodol o'r
gwaith, ledled y DU ac Ewrop.
Gweithgareddau dyddiol
Rhan bwysig o'r gwaith yw paratoi cynigion i ddenu grantiau UE
(datblygu economaidd, twristiaeth, hyfforddiant diweithdra ac ati).
Yn aml mae Swyddogion Ewropeaidd yn cysylltu ag ystod eang o
fudd-ddeiliaid gan gynnwys cynrychiolwyr o adrannau llywodraeth
leol a chenedlaethol, cyrff proffesiynol, sectorau preifat a
gwirfoddol. Yn aml maent yn gweithio gyda chynrychiolwyr o wledydd
Ewropeaidd eraill ar brosiectau. Mae gwneud cais am arian yr UE yn
parhau yn rhan bwysig o'r gwaith. Ymateb yn effeithiol i ffurflenni
cais a anfonwyd gan yr Undeb Ewropeaidd ac adrannau arbenigol y
llywodraeth; mae gweithio i derfynau amser ac ysgrifennu canllawiau
yn bwysig.
Mae Swyddogion Ewropeaidd yn datblygu systemau i fonitro
prosiectau llwyddiannus. Maent hefyd yn cadw golwg ar gronfeydd
eraill sydd ar gael. Yn aml, mae gan gynrychiolwyr gysylltiad ag
Aelodau o Senedd Ewrop i'w briffio ar faterion yn yr awdurdod
lleol. Gall rhwydweithio rhwng gwahanol ardaloedd yn Ewrop gyda
chefndir amaethyddol neu ddiwydiannol tebyg hefyd arwain at rannu
profiadau a rhoi atebion i'r ddwy ochr. Mae gan Swyddogion
Ewropeaidd gysylltiad ag aelodau o'r cyhoedd sy'n ffonio er
enghraifft ag ymholiadau ar ddeddfwriaeth Ewropeaidd newydd, neu
sydd angen gwybodaeth am gyllid sydd ar gael.
Sgiliau a Diddordebau
Mae'n rhaid i Swyddogion Ewropeaidd allu cyfathrebu'n dda yn
ysgrifenedig ac ar lafar er mwyn trosglwyddo a chaffael gwybodaeth
(gymhleth yn aml) i bobl o bob cefndir. Mae hefyd angen sgiliau
trefnu da, yn ogystal â sgiliau ymchwil a chyllid.
Gofynion Mynediad
Mae gan y rhan fwyaf o Swyddogion Ewropeaidd radd/ HND neu
gymwysterau cyfwerth, sy'n ddymunol. Mae'r graddau perthnasol yn
cynnwys naill ai economeg neu bolisi cyhoeddus gydag ieithoedd. Mae
prifysgolion yn cynnig ystod o gyrsiau gyda modiwlau astudiaethau
Ewropeaidd.
Ar y cyfan, bydd gan Swyddogion Ewropeaidd brofiad blaenorol
mewn adrannau cynllunio neu gyllid neu ddatblygiadau economaidd.
Mae deall cyfrifiaduron yn bwysig a byddai bod yn rhugl mewn iaith
Ewropeaidd arall heblaw am Saesneg yn fanteisiol. Darperir
hyfforddiant pellach yn aml yn y swydd.
Rhagolygon a chyfleoedd y dyfodol
Mae yna gyfleoedd i ddatblygu yn y swydd a dysgu sgiliau y gellir
eu trosglwyddo megis sgiliau rheoli prosiect. Mae swyddi'n aml yn
cael eu hariannu gan grant o gronfeydd Ewropeaidd ac mae llawer o'r
swyddi â chontractau tymor penodol.
Mwy o Wybodaeth a Gwasanaethau
Undeb Ewropeaidd http://europa.eu/index_en.htm
Sefydliad Datblygu Economaidd www.ied.co.uk
European Social Fund http://ec.europa.eu/esf/home.jsp
European Regional Development Fund
http://www.communities.gov.uk/regeneration/regenerationfunding/europeanregionaldevelopment/
Swyddfa Cyllid Ewropeaidd Cymru http://wefo.wales.gov.uk/?lang=en
Mae modd cael rhagor o wybodaeth am y maes hwn trwy wefan
Gyrfaoedd Cymru (www.careerswales.com/) y
llyfrgell leol, swyddfa gyrfaoedd eich bro neu lyfrgell eich
ysgol.