Cyflwyniad
Mae'r swydd yn cynnwys darparu gwasanaeth ymgynghori a chynghori
effeithiol i'r grwpiau cleient amrywiol mewn perthynas â
chontractau gwaith i ddarparu gwasanaethau cynnal a chadw tiroedd a
ddyfarnwyd gan y cyngor yn dilyn tendr.
Amgylchedd Gwaith
Bydd y rhan fwyaf o'r gwaith yn cael ei wneud mewn swyddfa, ond
bydd llawer o amser (50% neu fwy) yn cael ei dreulio mewn
lleoliadau amrywiol yn yr awdurdod lleol, dan do ac yn yr awyr
agored.
Gweithgareddau Dyddiol
Mae'r rhain yn ymwneud yn bennaf â monitro perfformiad contractau
i sicrhau bod safonau ansawdd yn cael eu cyrraedd. Mae hyn yn
cynnwys asesu, rhaglennu a monitro'r gwaith penodol, mesur gwaith
sydd wedi'i gwblhau ac awdurdodi taliadau ar gyfer gwaith a
gontractiwyd a gwaith ychwanegol. Mae swyddogion contract yn
cyfathrebu'n rheolaidd â chontractwyr a chleientiaid ac mae'n
ofynnol iddynt gyflwyno rhybuddion diffygion am ddiffyg
cydymffurfiaeth neu pan nad yw perfformiad yn foddhaol. Maent hefyd
yn ymdrin ag ymholiadau a chwynion gan gwsmeriaid a'r cyhoedd.
Ymysg dyletswyddau eraill mae cyfathrebu â staff technegol a
phroffesiynol o ran goruchwylio gwaith arbenigol a chyflawni
dyletswyddau gweinyddol sy'n ymwneud â chontractau. Bydd
angen gweithio y tu allan ioriau o bryd i'w gilydd, gan gynnwys
gyda'r nos ac ar benwythnosau i fynychu cyfarfodydd ac ati.
Sgiliau a Diddordebau
Rhaid i swyddogion allu gweithio yn yr awyr agored, a byddai
empathi â natur a gwybodaeth a dealltwriaeth fanwl o faterion
cadwraeth a chynaladwyedd o fantais.
At hynny, dylent feddu ar sgiliau trefnu a chyfathrebu da ar
gyfer delio â phroblemau ar y safle a chyflwyno datrysiadau ar
gyfer y problemau hynny. Bydd angen ymddwyn yn ystyriol ac yn
ddiplomataidd wrth ymdrin â chwynion cwsmeriaid, ac wrth gyfleu'r
rhain a rhybuddion diffygion i gontractwyr. Mae'r swydd yn
defnyddio mwy a mwy o TG a rhaid i ymgeiswyr feddu ar rywfaint o
sgiliau cyfrifiadurol a bysellfwrdd, a meddu ar wybodaeth am
sicrwydd ansawdd ac iechyd a diogelwch.
Gofynion Ymgeisio
Rhaid i ymgeiswyr fod â rhywfaint o brofiad ym maes
garddwriaeth a meddu ar gymhwyster perthnasol fel Diploma Cyntaf
BTEC/SQA neu S/NVQ. Yn ddelfrydol bydd ganddynt gymhwyster
lefel uwch perthnasol fel Diploma Cenedlaethol BTEC/SQA mewn
Garddwriaeth Amwynder neu HND mewn Garddwriaeth, neu byddant yn
barod i astudio ar gyfer cymhwyster o'r fath, neu'n ceisio
aelodaeth â chorff proffesiynol perthnasol fel y Sefydliad Rheoli
Hamdden ac Amwynderau (ILAM).
Cyfleoedd yn y dyfodol
Y cam naturiol nesaf fyddai i swydd rheoli.
Rhagoro Wybodaeth a
Gwasanaethau
Lantra www.lantra.co.uk
Instituteof Groundsmanshipwww.iog.org The Building Consultancy www.thebuildingconsultancy.com
Mae modd cael rhagoro wybodaeth am y maes hwn trwy wefan
Gyrfaoedd Cymru (www.careerswales.com/) y
llyfrgell leol, swyddfa gyrfaoedd eich bro neu lyfrgell eich
ysgol.