Cyflwyniad
Bydd y swydd hon yn apelio at y rheiny sy'n ystyried eu hunain yn
rheolwyr da ar gartref. Mae cadw amgylchedd glân, taclus ac
iach yn bwysig iawn mewn sefydliad preswyl, gofal dydd a
sefydliadau seibiant ac adfer eraill. Mae ar yr uwch swyddog
gofal angen cadw trefn ac awyrgylch tawel er lles pobl
ddiamddiffyn, rhai ohonyn nhw â phroblemau iechyd meddwl. Mae
cymorthyddion domestig yn eu helpu nhw i wneud hyn. Bydd
swyddi o'r fath ar gael ymhob awdurdod, ac eithrio cynghorau
dosbarth.
Yr Amgylchedd Gweithio
Mae gwaith yn cael ei gynnal mewn hosteli a chartrefi sy'n cael eu
rhedeg gan wasanaethau gofal cymunedol. Gall fod yn gorfforol
galed ac mae'n bosib y bydd angen dygymod â rhywfaint o faw ac
anhrefn. Mae cymorthyddion domestig hefyd yn gweini bwyd, yn
cynorthwyo gyda pharatoi bwyd ac, mewn rhai lleoliadau, yn ymgymryd
â dyletswyddau coginio. Efallai y byddwch chi'n ymgymryd â
gwaith estyn allan.
Gweithgareddau Dyddiol
Mae cymorthyddion domestig yn gyfrifol am y canlynol:
- Glendid ystafelloedd gwely, ystafelloedd eistedd a bwyta,
ystafelloedd amlbwrpas, coridorau, ystafelloedd ymolchi a
thoiledau.
- Dyletswyddau ystafell fwyta - gweini/clirio byrddau, golchi
llestri.
- Dyletswyddau cegin - glanhau, paratoi bwyd a choginio dan
oruchwyliaeth.
- Defnyddio offer golchi dillad a gofalu am ddillad a dillad
gwely - peiriannau golchi, haearnau smwddio ac ati.
- Gwneud gwlâu, goflau am ddillad gwely gan gynnwys eu golchi a'u
smwddio (yn aml bydd gofyn i chi olchi dilladau wedi eu
baeddu).
- Gwybod lle mae'r diffoddyddion tân a'r allanfeydd tân a pha
gamau i'w cymryd pan fo tân.
- Cymryd rhan mewn hyfforddiant a datblygu staff cartref.
Maen nhw hefyd yn helpu cleientiaid i edrych ar ôl eu hunain a
gwneud tasgau pob dydd.
Sgiliau a Diddordeb
Mae'n rhaid i gymorthyddion domestig fod:
- yn ofalgar a sensitif;
- yn heini ac yn gallu codi a symud yn gorfforol;
- yn drefnus;
- yn hyblyg;
- yn barod i ymgymryd â hyfforddiant;
- yn deall yr angen am gyfrinachedd;
- yn gyfrifol ac yn aeddfed.
Gofynion
Mae dealltwriaeth o Iechyd a Diogelwch a Rheoliadau Rheoli
Sylweddau Peryglus i Iechyd, yn ogystal â phrofiad o ofalu, yn
hanfodol.
Fe ddylech chi fod â thystysgrif codi a symud yn gorfforol.
Rhagolygon a Chyfleoedd
Ychydig iawn o gyfleoedd sydd ar gael, ond wrth dderbyn profiad a
hyfforddiant, Gallwch ymgeisio am swyddi goruchwylio ym maes gofal
domestig.
Rhagor o Wybodaeth a Gwasanaethau
Cyngor Gofal Cymru www.cgcymru.org.uk
Gofal yn y Gymuned www.communitycare.co.uk
Gwirfoddolwyr Gwasanaeth Cymunedol www.csv.org.uk/socialhealthcare
Yr Adran Iechyd www.dh.gov.uk
Cyngor Gweithwyr Proffesiynol Iechyd a Gofal www.hpc-uk.org
Asiantaeth Cartrefi a Chymunedau www.homesandcommunities.co.uk
Sgiliau Gofal www.skillsforcare.org.uk
Cymdeithas Gofal Cymdeithasol www.socialcareassociation.co.uk
Efallai y bydd rhagor o wybodaeth am y maes yma ar gael trwy
Gyrfa Cymru (www.gyrfacymru.com/) neu yn
eich llyfrgell neu'ch swyddfa gyrfaoedd lleol neu'ch ysgol.