Cyflwyniad
Mae gan y rhan fwyaf o awdurdodau lleol swyddogion polisi ac
ansawdd sy'n gyfrifol am y defnydd o ymarfer gorau ledled y
sefydliad. Mae Rheolwyr Gwella Corfforaethol yn chwarae rhan
allweddol yn y broses hon ar lefel uwch. Yn aml, maen nhw wedi bod
yn swyddogion gwerth gorau neu ansawdd sydd wedi cael dyrchafiad i
swydd fwy strategol. Drwy gynllunio a rheoli ymrwymiad
corfforaethol i wella'n barhaus, maen nhw'n cefnogi'r
gyfarwyddiaeth i ysgwyddo ei goblygiadau statudol. Mae gwaith
Rheolwr Gwella Corfforaethol ganolog i bob math o fentrau datblygu
ansawdd mewn pob math o gynghorau.
Amgylchedd Waith
Mae'r gwaith ym mhrif swyddfeydd y Cyngor ac yn gwasanaethu'r holl
gyfarwyddiaethau. Mewn rhai awdurdodau mae swydd y rheolwr swyddfa
gweithredol yn y gyfarfwyddiaeth adnoddau.
Gweithgareddau Pob Dydd
Mae Rheolwyr Gwella Corfforaethol yn treulio'r rhan fwyaf o'i
amser mewn cyfarfodydd yn gweithio gyda strategwyr a grwpiau craidd
i ddatblygu a gweithredu polisiau'r cyngor o ran egwyddorion gorau
ymarferion gorau. Bydd hynny'n cynnwys cydlynu gyda rheolwyr o'r
holl wasanaethau eraill - o addysg i hamdden - gan gasglu
gwybodaeth ynghylch sut maen nhw'n gweithredu a pha trefniadau sydd
wedi'u sefydlu i helpu gyfarfod â gweledigaeth a blaenoriaethau
corfforaethol y Cyngor. Gallai diwrnod nodweddiadol gynnwys gwaith
ymchwil, casglu data, ysgrifennu adroddiadau, adborth llafar,
dadansoddi a gwerthuso gwybodaeth - a'r cyfan yn cael ei gyflwyno
i'r cyfarfod i'w drafod a'i weithredu. Mae rhan bwysig o'r cylch
gorchwyn yn cynnwys marchnata a chysylltiadau cyhoeddus. Mae gwaith
y rheolwr swyddfa gweithredol yn un allweddol i'r awdurdod allu
gwella a chynnal ansawdd ei wasanaeth ac mae'n cynnwys ymgymryd â
phrosiectau arbennig allweddol megis:
- y cynllun perfformiad;
- fframwaith rheoli perfformiad;
- mentrau ansawdd strategol meigs ceisiadau marc siartr;
- cynlluniau cynhwysedd cymdeithasol a chydraddoldeb
cyfarwyddiaethau;
- rheoli marchnata a chysylltiadau marchnata strategol;
- systemau cyfathrebu mewnol;
Mae'n swydd sy'n gofyn am ddeallusrwydd ac mae iddi naws
wleidyddol, mae'n gofyn am gydlynu gyda llawer o wahanol
cydweithwyr ar draws y sbectrwm gyfan o waith y Cyngor a chydag
aelodau etholedig.
Sgiliau a Diddordebau
I wneud y swydd hon yn iawn dylech fod yn gallu:
- deall, dysgu a chymhathu cysyniadau newydd
- ysgrifennu'n greadigol ac yn rhesymegol gan ddefnyddio'r
wybodaeth wrth law
- meddwl yn ochrol a chanfod cysylltiadau nad ydynt bob amser yn
amlwg
- canfod ffyrdd o fodloni meini prawf sy'n ganolog i weledigaeth
graidd y Cyngor
- ymwneud â phobl ar bob lefel ac o wahanol gefndiroedd
- bod yn aelod pwyllgor effeithiol
- bod yn drafodwr da
- dangos dawn ar gyfer marchnata a chysylltiadau cyhoeddus.
Gofynion Mynediad i'r Swydd
Gradd prifysgol a / neu gymhwyster ôl radd, profiad sylweddol a
record dda ac amlwg yn hanfodol.
Rhagolygon a chyfleoedd ar gyfer y
dyfodol
Mae hwn yn faes sy'n tyfu ac mae'n cynnig amrywiaeth eang o
gyfleoedd. Ar hyn o bryd, mae'r gofyn am y gwasanaethau y mae
Rheolwr Gwella Corfforaethol yn gallu eu darparu'n fwy nag y gellir
eu diwallu wrth i gynghorau ddod yn fwy atebol i'r cyhoedd. Mae'r
rhagolygon am ddyrchafiad yn dda a'r cam nesaf i fyny fyddai swydd
Pennaeth Polisi / Cynllunio Busnes a Pherfformiad, sy'n cynnwys hyd
yn oed fwy o gyfrifoldebau strategol. Y prif swydd yw Cyfarwyddwr
Gweithredol neu Uwch Swyddog / Strategydd Polisi. Y tu allan i
awdurdod lleol mae cyfleoedd gyda phartneriaid strategol y Cyngor a
darparwyr eraill y sector cyhoeddus neu gyda busnesau yn y sector
preifat.
Gwybodaeth a Gwasanaethau Pellach
Sefydliad Siartredig Marchnata www.cim.co.uk
Sefydliad Cysylltiadau Cyhoeddus www.cipr.co.uk
Sefydliad Siartredig Reoli Gweinyddol www.instam.org
Sefydliad Rheoli Siartredig www.managers.org.uk
Mae modd cael rhagor o wybodaeth am y maes hwn trwy wefan
Gyrfaoedd Cymru (www.careerswales.com/) y
llyfrgell leol, swyddfa gyrfaoedd eich bro neu lyfrgell eich
ysgol.